A Uvira gabashin Jamhuriyar Demokradiyyar Kongo rayuwar yau da kullun ta ragu sosai tun lokacin da aka rufe iyakar da Burundi a ranar 10 ga Disamba. Titunan da a dā suke cike da ‘yan kasuwa da masu sufuri yanzu babu kowa a ciki.
An dakatar da cinikayya ta kan iyaka wadda ita ce tushen tattalin arzikin birnin. Daruruwan ‘yan kasuwa da iyalai waɗanda a da suke jigilar kaya tsakanin Kavimvira a Congo da Gatumba a Burundi yanzu suna fuskantar mawuyacin hali. ‘Yan kasuwa kanana, kamar mai sayarwa Scolastique Mushota sun ce rufewar ya bar su suna gwagwarmayar tsira.
Tasirin ya wuce kasuwanci. Yawancin mazauna sun dogara da cibiyoyin kiwon lafiya a Bujumbura don samun kulawa mafi kyau. Julienne Mapendo wata ‘yar kasuwa ta gari ta yi gargadin cewa: “ Mutane na mutuwa saboda ba sa samun magani.”
Iyakar kuma wuri ne na zamantakewar jama’a tare da iyalai maaurata aure da makarantu da suka mamaye kasashen biyu. Iyaye irin su Georges Bibenga sun jaddada mahimmancin barin yaran da suka gudu zuwa Burundi su koma don ci gaba da karatunsu.
Duk da an maido da tsaro a Uvira bayan kutsawar mayakan AFC/M23 a watan Disamba iyakar na nan a rufe. Lauyan kungiyoyin farar hula Ghislain Baraiga Kabamba ya yi kira da a sake budewa: “Wannan iyakar tana da matukar muhimmanci ga tattalin arziki da zamantakewa. Bude ta zai kawo saukin da ake bukata.”
Mazaunan sun jaddada bukatar matakan tsaro amma suna rokon a samar da daidaito wanda zai tabbatar da rayuwa da kuma al’ada. Ga Uvira iyakar ba wurin bincike ba ce kawai layin rayuwa ne.
