Sri Lanka Ta Rantsar Da Sabon Shugaban Kasa

Sri Lanka ta rantsar da Ranil Wickremesinghe a matsayin shugaban kasa, a daidai lokacin da ake fatan zai fitar da kasar daga halin da take ciki na tattalin arziki. Ana dai kallon Mr. Wickremesinghe tsohon Firaministan a matsayin wanda ba shi da farin jini a wurin jama’a, amma wasu masu zanga-zangar sun ce za su ba shi dama. Ya yi rantsuwar ne a harabar majalisar da ke cike da tsaro. Sri Lanka dai an shafe watanni ana tashe tashen hankula saboda matsalar tattalin arziki. Da yawa sun zargi gwamnatin Rajapaksa da karkatar da kudaden al’ummar kasar kuma suna ganin Mista Wickremesinghe na cikin matsalar. Sai dai an samu ‘yan zanga-zanga a kan tituna kwana guda bayan da Mr. Wickremesinghe ya lashe zaben majalisar dokokin kasar. “Yana nan – kuma za mu ga menene ayyukansa. Idan ba mu samu abinci ba, ko wani magani, za mu kasance a kan tituna,” wata mata da ta shiga zanga-zangar makon jiya ta shaida wa BBC. Mr. Wickremesinghe – wanda ya samu rinjaye a cikin ‘yan majalisar dokoki tare da goyon bayan jam’iyyar Rajapaksa mai mulki, Sri Lanka’s People’s Front, SLPP ya yi zafi don nisantar da kansa daga tsoffin shugabannin. “Ni ba abokin Rajapaksa bane. Ni abokin jama’a ne,” kamar yadda ya shaida wa manema labarai bayan ya doke abokin hamayyarsa na SLPP da kuri’u 134 da 82. A cewar rahotanni, ‘yan adawa sun nuna cewa za su yi aiki tare da Mista Wickremesinghe. Sai dai kuma, masu zanga-zangar da dama sun bayyana yanke kauna da rashin jin dadi kan nasarar da wani dan siyasa mai kawance da Rajapaksa ya samu. “Na yi matukar kyama da sakamakon, ba zan iya yarda cewa ‘yan majalisar wakilai 134 da ya kamata su wakilci jama’a sun yi watsi da bukatun jama’a,” in ji Jeana De Zoysa mai fafutuka.