Majalisar Dattawa Ta Bada Shawarar Kafa Hukumar Raya Bitumen

Majalisar Dattawan Najeriya ta ba da shawarar kafa Hukumar Raya Bitumen don aiwatar da aikin hako bitumen a hukumance a wani bangare na kokarin karkata tattalin arzikin kasar.

Yunkurin majalisar dattijai don tabbatar da wannan buƙatu ya bayyana a ranar Alhamis bayan karantawa farko na wani kudurin doka don aiwatar da manufar.

Kudirin da Sanata Jimoh Ibrahim ya dauki nauyi, na neman kafa hukumar bunkasa Bitumen

A cewar kudirin, mai daukar nauyin ya gabatar da kudurin dokar da za ta mayar da Bitumen a matsayin wani nau’i mai kama da kudaden shiga a Najeriya, kasancewar ta biyu mafi girma a duniya bayan Kanada.

Kwamitin da aka gabatar kamar yadda aka tsara a cikin daftarin kudirin dokar, ya kamata a sanya shi a kowane daga cikin garuruwa uku masu tarin yawa na Bitumen a jihar Ondo wadanda suka hada da Ode – Irele, Agbabu da Igbotako.

Kamar yadda aka tsara a cikin kudirin dokar, Hukumar Raya Bitumen idan aka kafa ta, za ta kuma taimaka wajen aiwatar da ababen more rayuwa a fadin kasar nan, sannan kuma za ta samar da ayyukan yi ga ‘yan Nijeriya, musamman ma masana ilimin kasa wadanda za a bukaci gwanintarsu wajen binciken ta.

A wata ‘yar gajeriyar tattaunawa da manema labarai bayan zaman na ranar Alhamis, wanda ya dauki nauyin kudirin, Sanata Jimoh Ibrahim, ya ce za a yi cikakken bayani kan kudurin dokar a yayin muhawarar da yake yi na karatu na biyu na kudirin.

“Idan dokar da aka gabatar ta yi tasiri a cikin Majalisar Dattawa da na Wakilai tare da kafa Hukumar Raya Bitumen bayan amincewar shugaban kasa, zai zama doka ta farko kan bincike, ci gaba da kuma yiwuwar fitar da Bitumen a Najeriya,” in ji shi.