Darakta-Janar na Hukumar yi wa kasa hidima ta kasa (NYSC), Birgediya Janar Olakunle Nafiu, ya yaba wa ‘yan kungiyar bisa jajircewarsu, kishin kasa, da’a, da sadaukarwa a duk wannan shekarar.
Janar Nafiu ya taya 2025 Batch ‘A’ Stream I Corps Members murnar kammala hidimar kasa da suka yi na shekara daya.
Ya yi nuni da cewa, “gudumawar da suka bayar ta yi tasiri mai ma’ana a fadin kasar nan kuma ya yaba da yadda suke kokarin ci gaban kasa.”
Karanta kuma: NYSC ta sake jaddada sadaukar da kai ga Tsaron Membobin Corps
Babban daraktan ya bukaci mambobin kungiyar masu barin gado da su kiyaye dabi’un da suka samu a lokacin hidima da kuma jajircewa wajen ci gaban kai da gina kasa yayin da suke shiga mataki na gaba na rayuwa.
Janar Nafiu ya kuma yi musu fatan samun nasara a harkokinsu na gaba, inda ya ba su tabbacin cewa za su ci gaba da kasancewa a cikin kungiyar NYSC a koda yaushe.
“Za a yi kewar ku kuma a koyaushe ku kasance cikin dangin NYSC. Najeriya tamu ce; Najeriya muke yi wa hidima,” in ji shi.
A’isha. Yahaya, Lagos
