Gwamna Hope Uzodinma na jihar Imo, ya shawarci matasa da su guji amfani da miyagun kwayoyi su rungumi sana’o’i domin inganta rayuwarsu. Gwamnan ya bayar da wannan shawarar ne a yayin wani shirin fadakarwa kan magunguna da hukumar yaki da sha da fataucin miyagun kwayoyi ta kasa NDLEA tare da hadin gwiwar gidauniyar ci gaban wasanni ta Ikukuoma suka shirya a karamar hukumar Ezinihitte Mbaise da ke Imo a ranar Lahadi.
KU KARANTA KUMA:Illar Miyagun Kwayoyi: Gwamnatin Jihar Kwara, NDLEA Ta Kaddamar da Sabbin Ayyuka
Uzodinma, wanda ya samu wakilcin mai ba shi shawara na musamman kan sha’anin shaye-shayen miyagun kwayoyi da sa ido kan miyagun kwayoyi, Cif Ezechukwu Obinna, ya bayyana amfani da miyagun kwayoyi a matsayin illa ga samar da ci gaba a tsakanin matasa.
Ya godewa gidauniyar ci gaban wasanni ta Ikukuoma da kuma NDLEA bisa tunanin matasan ya kara da cewa gwamnatin shi za ta bullo da wasu tsare-tsare da suka dace da matasa.
Ya nuna damuwarsa kan ci gaba da nasarar da Imo ya samu ya kara da cewa shi ne ya sanar da matakin da ya dauka na samar da ofishin sa ido kan sha da fataucin miyagun kwayoyi a jihar.
Ya kuma shawarci matasa da su rungumi sana’o’in zamani da kuma sana’ar noma domin tsira.
“Manufar na kafa ofishin kula da sha da fataucin miyagun kwayoyi shi ne in mayar da jihar Imo ta zama jihar da ba ta da sha’awar shan miyagun kwayoyi wanda hakan zai taimaka matuka wajen ganin jihar Imo ta zama babbar jiha domin matasa su ne makomar gobe da kuma samar da ci gaba,” inji shi.
Da yake jawabi, Mataimakin Kwamandan Ayyuka da Horarwa na Hukumar NDLEA na Jihar, Mista Lamuwa Shehu, ya bayyana shaye-shayen miyagun kwayoyi a matsayin wata matsala ta duniya inda ya ce matasan da ke shan miyagun kwayoyi ba sa rayuwa cikin koshin lafiya kuma ba su da amfani.
“Kimanin mutane miliyan 280 ne ke amfani da kwayoyi a duk duniya, yayin da mutane miliyan 15 ke shan kwayoyi a Najeriya kuma mutane miliyan 6 ke fama da matsananciyar bukatar taimako”, in ji shi.
Har ila yau, wanda ya kafa gidauniyar ci gaban wasanni ta Ikukuoma, Cif Summers Nwokie, ya bayyana cewa shirin an yi shi ne don kawar da hankulan matasa daga shan miyagun kwayoyi.
Ya yabawa gwamnati da hukumar NDLEA bisa hadin gwiwa da gidauniyar sa domin amfanin matasa.
NAN/Ladan Nasidi.
