Harin yanar gizo ya kawo cikas a kusan kashi 70 na gidajen mai na Iran, a cewar rahotanni.
Kungiyar da ke da alaka da Isra’ila Predatory Sparrow, ko Gonjeshke Darande a Farisa, ta yi ikirarin a ranar Litinin cewa ita ce ta kawo cikas, a cewar gidan talabijin na kasar Iran.
Kafofin yada labaran Isra’ila ma sun ruwaito wannan ikirari.
“An kai wannan harin ta hanyar yanar gizo ne ta hanyar da ta dace don kauce wa yiwuwar lalata ayyukan agaji,” in ji Predatory Sparrow a cikin sanarwar da kafar yada labaran Iran ta nakalto.
An raba wata sanarwa game da harin daga wani sabon asusu mai sunan kungiyar da aka bude a farkon watan Disamba a ranar X.
Hukumar tsaron farar hula ta Iran, wacce ke da alhakin tsaron intanet na kasar, ta ce tana ci gaba da yin la’akari da dukkan dalilan da za su iya kawo cikas a yayin da take gudanar da bincike.
Kafofin yada labaran kasar Iran sun kara da cewa a baya kungiyar masu satar bayanai ta yi ikirarin kai hare-hare ta yanar gizo kan gidajen man fetur da na jiragen kasa da kuma masana’antun karafa na Iran.
Katsewar man shi ne irin shi na farko tun shekarar 2021, lokacin da wani babban hari ta yanar gizo a Iran ya kawo cikas ga sayar da man, wanda ya janyo dogayen layuka a tashoshin kasar.
Farashin mai a Iran na samun tallafi sosai. Iran ta zargi Isra’ila da Amurka da hannu wajen kai wadannan hare-hare.
Rikicin ya fara ne da sanyin safiyar Litinin kuma ya yi kamari a Tehran. Kafafan yada labarai na Iran sun ruwaito cewa an tilastawa gidajen mai da dama yin amfani da famfunan su da hannu.
ALJAZEERA/Ladan Nasidi.
