Koriya ta Arewa ta ce ta yi wani gwajin “tsarin nukiliyar ta na karkashin ruwa” a matsayin martani ga atisayen da Amurka, Koriya ta Kudu da Japan suka yi a makon nan.
Kafofin yada labaran kasar sun ce an yi gwajin jirgin maras matuki a karkashin ruwa, wanda ake zaton zai iya daukar makamin nukiliya.
Babu wata shaida kan gwaje-gwajen da aka gudanar kuma a baya Seoul ta ce an wuce gona da iri kan kwatancen Arewa game da karfin jiragen.
Japan ta ki cewa komai kan rahotannin a ranar Juma’a.
A baya dai Arewa ta yi ikirarin gwada tsarin ta na “Haeil-5-23”, amma lamarin na baya-bayan nan ya zo ne a daidai lokacin da Arewa ta kara daukar matakan soji a ‘yan makonnin nan.
A ranar Lahadin da ta gabata, ta yi ikirarin tura wani sabon makami mai linzami mai cin dogon zango.
Hakan ya biyo bayan harin da aka kai Sri a kan iyakar teku da Koriya ta Kudu a makon farko na watan Janairu.
A ranar Juma’a, Koriya ta Arewa ta ce ta tunzura ta sakamakon atisayen hadin gwiwa da Washington, Seoul da Tokyo suka yi domin yin gwajin makaman ta na karkashin ruwa, a cewar wani rahoto da Hukumar KCNA ta fitar.
Ta zargi atisayen da “kara dagula al’amuran yankin” da kuma barazana ga tsaron Arewa.
Kasashen Amurka da Koriya ta Kudu da kuma Japan sun ce sun gudanar da atisaye a cikin shekarar da ta gabata a matsayin mayar da martani ga karuwar ayyukan sojin Koriya ta Arewa, wadanda suka hada da gwaje-gwaje da dama na makami mai linzami na nukiliya da harba sabbin makamai. Duk irin wadannan ayyuka sun sabawa takunkumin Majalisar Dinkin Duniya.
Duk da haka, Kim ya sha nanata cewa gwamnatin shi na gina makaman soji a shirye-shiryen yakin da zai iya “barkewa a kowane lokaci” a yankin.
BBC/ Ladan Nasidi.
