Gwamnatin jihar Jigawa ta kara kudaden alawus-alawus ga nakasassu a duk wata daga Naira 7,000 zuwa N10,000.
KU KARANTA KUMA: Jihar Legas ta bada tabbacin shigar da nakasassu a yakin cin zarafin mata
Kwamishinan Yada Labarai, Matasa, Wasanni da Al’adu, Alhaji Sagir Musa, ya bayyana hakan a ranar Juma’a a Dutse, inda ya ce gwamnatin jihar ta kuma amince da karin adadin wadanda za su ci gajiyar tallafin a kowace karamar hukuma 27 daga 150 zuwa 200.
Ya bayyana cewa an ba da amincewar ne a Majalisar Zartarwa ta Jiha (SEC), taron ranar Alhamis.
Ya kuma kara da cewa majalisar ta kuma amince da kafa bayanai na marayu, gidajen marayu, marasa galihu da kuma tsofaffi, biyo bayan takardar da ma’aikatar harkokin mata ta gabatar, da kuma tantance nakasassu ta zahiri.
Ya ce, “Bayan tattaunawa kan takardar, majalisar ta amince da sake duba alawus alawus na kowane wata daga N7,000 zuwa N10,000.
“Majalisa ta kuma amince da kara yawan wadanda za su ci gajiyar tallafin a kowace kananan hukumomi 27 daga 150 zuwa 200.”
Ladan Nasidi.
