Sarkin Saudiyya Ya Nada Yarima Mai Jiran Gado A Matsayin Firayim Minista

Sarki Salman bin Abdulaziz na kasar Saudiyya ya sanar da  nadin dansa kuma mai jiran gado Mohammed bin Salman a matsayin firayi ministan kasar.

Mohammed bin Salman, wanda aka fi sani da MbS, ya

samu karin girma daga ministan tsaro kuma ya zama mai mulkin Saudiyya.

Wani jami’in Saudiyya ya ce sabon mukamin nasa na firaminista ya yi daidai da tawagar da sarkin ya kai masa a baya, da suka hada da wakilcin masarautar kan ziyarar kasashen waje da kuma jagorantar tarukan da masarautar ta dauki nauyi.

A tarihi, irin wannan tawaga ta aiki ta sha faruwa a sarautar sau da yawa, in ji jami’in. da ke kunshe cikin dokar sarauta da kamfanin dillancin labarai na SPA ya fitar ya nuna dansa na biyu Yarima Khalid a matsayin ministan tsaro da kuma Yarima Abdulaziz bin Salman a matsayin ministan makamashi.

A cewar sanarwar, har yanzu Sarki Salman zai jagoranci zaman majalisar ministocin da ya halarta.

Sarkin mai shekaru 86, mai kula da wurare mafi tsarki na Musulunci, ya zama mai mulki a shekarar 2015 bayan ya shafe sama da shekaru 2-1/2 a matsayin yarima mai jiran gado.

An kwantar da shi a asibiti sau da yawa a cikin shekaru biyu da suka gabata saboda wasu cututtuka daban-daban.

Yarima mai jiran gado Mohammed ya cen za saudia sosai tun hawansa a mulki  shekarar 2017, wanda ya jagoranci yunkurin karkatar da tattalin arzikin kasar daga dogaro da man fetur, da baiwa mata damar tuki, da dakile ikon malamai.

Yarima mai jiran gadon ya ce Masarautar ta kara karfin dogaro da kai a masana’antun soji zuwa kashi 15% daga kashi 2% kuma tana shirin kai kashi 50% karkashin sabon ministan tsaro da aka nada.

Sauye-sauyen nasa, sun zo ne tare da murkushe masu adawa, inda aka daure masu fafutuka, da na sarauta, da masu fafutukar kare hakkin mata, da kuma ‘yan kasuwa.

Kisan dan jarida Jamal Khashoggi a karamin ofishin jakadancin kasar dake Istanbul a shekarar 2018 ya bata masa suna tare da dagula alakar masarautar da Amurka da sauran kasashen yamma.