Shugaba Bola Ahmed Tinubu ya karrama Akinwumi Adesina, Shugaban Bankin Raya Kasashen Afirka (AfDB) kan lambar yabo ta Obafemi Awolowo na Shugabanci.
A wata sanarwa da mai magana da yawun shugaban kasar, Ajuri Ngelale, ya sanyawa hannu, shugaba Tinubu ya yabawa shugaban na AfDB bisa hangen nesa da kuma kyakkyawan kokarinsa na kawo sauyi a harkar noma a Afirka da kuma tabbatar da samar da abinci a nahiyar.
Shugaban na Najeriya ya tuno da tsare-tsaren bunkasa ci gaban da ke kawo sauyi kan sarkar kimar noman Najeriya da Adeshina ya bullo da shi a lokacin da ya rike mukamin ministan noma da raya karkara na lokacin.
Shugaban ya amince da tarihin Adesina, da kuma yadda ya jagoranci da kuma ci gaban da ya samu, musamman a fannin noma, wanda kokarin da ya yi ya ba shi daraja da kuma karramawa a duniya, ciki har da kyautar abinci ta duniya a shekarar 2017.
Tare da lambar yabo ta Obafemi Awolowo Prize for Leadership, Dr. Adesina ya bi sahun sauran wadanda suka lashe kyautar a baya kamar wanda ya lashe kyautar Nobel ta Najeriya, Farfesa Wole Soyinka; tsohon shugaban kasar Afirka ta Kudu, Thabo Mbeki, kuma masanin ilimin lauya, Cif Afe Babalola.
Shugaba Tinubu ya yi wa shugaban AfDB fatan samun nasara a AfDB da kuma karfi a hidimarsa ga Afirka da kuma bil’adama baki daya.
Ladan Nasidi.
