Senegal ta yi kira da a ba da cikakken damar shiga rumbun adana bayanan kisan gilla na Thiaroye, saboda masana suna son a bayyana gaskiya game da daya daga cikin babi mafi duhu a tarihin mulkin mallaka.
Sabuwar gwamnatin Senegal, ta kuduri aniyar ganin an tuna da taron, kuma an gudanar da wani biki a sansanin soji na Thiaroye don karrama wadanda abin ya shafa.
Kisan gilla ya faru ne a ranar 1 ga Disamba, 1944, lokacin da sojojin Faransa suka bude wuta kan sojojin Afirka da ke neman albashi.
Shekaru 80 kenan, ba tare da cikakkun bayanai da yawa da har yanzu ba a san ainihin adadin wadanda abin ya shafa ba, sabuwar gwamnatin Senegal, wacce ta karbi mulki a watan Afrilu, ta kuduri aniyar ganin an tuna da wannan mummunan lamari.
An gudanar da wani gagarumin biki a ranar Lahadi 1 ga watan Disamba a sansanin soji na Thiaroye domin karrama wadanda suka rasa rayukansu a wannan danyen aikin.
Sai dai bikin ya haifar da cece-kuce a kasar Faransa. Wani dan majalisar dokokin Faransa Aurélien Taché ya soki rashin halartar shugaba Emmanuel Macron a wajen taron, inda ya ce abin mamaki ne ganin yadda aka amince da daya daga cikin mummunan kisan kiyashin da ‘yan mulkin mallaka suka yi a tarihi.
Da yake jawabi ga Majalisar Dokokin Faransa, Taché ya ce, “Ya yarda cewa kisan kiyashi ne bayan shekaru da dama da aka shafe ana karyar karya, inda Faransa, a wani abin kunya, ta zargi wadannan sojoji da aikata laifin kisan kai. Amma ko wannan amincewa da aka yi na daya daga cikin manyan kisan kiyashin da ‘yan mulkin mallaka suka yi a tarihinmu bai isa ya sa ya halarci bikin ba.”
Ana ci gaba da muhawara a yayin da kasar Senegal ke kokarin ganin an amince da ita da kuma nuna gaskiya kan wannan bala’i na mulkin mallaka.
Africanews/Ladan Nasidi.
