Mai magana da yawun shugaban kasa, Mista Daniel Bwala, ya tabbatar da cewa shugaba Bola Ahmed Tinubu da shugaban kasar Amurka Donald Trump, a cikin kwanaki masu zuwa, za su gana, domin yin shawarwari tare da daidaita matsaya daban-daban, kan ikrarin cewa hare-haren ta’addanci a Nijeriya ana kai su ne ga kiristoci kadai.
Ya jaddada cewa irin wadannan batutuwan sun shafi ‘yan kasa na kowane addini ba ki daya.
A cikin wani sakon da ya fitar a kan mukaminsa na X ranar Lahadi Da ta gabata @BwalaDaniel, wanda ke aiki a matsayin mai ba shugaban kasa shawara na musamman kan harkokin yada labarai da sadarwar jama’a, ya ce shugabannin biyu suna da niyyar yaki da ta’addanci.
Ya lura cewa a baya Trump ya goyi bayan Najeriya ta hanyar ba da izinin siyar da makamai don ayyukan tada kayar baya, yayin da Shugaba Tinubu, a cikin kalamansa, ya “yi amfani da shi yadda ya kamata” wadannan albarkatun tare da “sakamako mai yawa.”
“Shugaba @officialABAT da Shugaba @realDonaldTrump sun yi tarayya da juna a yaki da ta’addanci da duk wani nau’i na ta’addanci ga bil’adama.
“Shugaba Trump ya taimaka wa Najeriya da yawa ta hanyar ba da izinin sayar da makamai ga Najeriya kuma Shugaba Tinubu ya yi amfani da damar da ya dace wajen yaki da ta’addanci wanda muna da dimbin sakamako da muka nuna a kai.
“Game da bambance-bambancen da ake yi na ko ‘yan ta’adda a Najeriya suna kai hari kan Kiristoci ne kawai ko kuma a zahiri duk wani addini kuma babu wani addini, sabanin idan akwai su, shugabannin biyu za su tattauna kuma su warware su idan sun hadu a cikin kwanaki masu zuwa, ko dai a fadar gwamnati ko fadar White House.” Ya kara da cewa.
Aisha. Yahaya, Lagos
