Tsohon shugaban kasa, Goodluck Jonathan ya yiwa jagoran Najeriya, Bola Ahmed Tinubu bayani kan halin da siyasar kasar Guinea Bissau ke ciki.
Dr. Jonathan, wanda ya jagoranci tawagar dattawan Afrika ta Yamma (WAEF) a kasar Guinea-Bissau, ya yi wa shugaba Tinubu karin haske a fadarsa da ke Abuja, a ranar Asabar da ta gabata inda ya yi masa bayanin abubuwan da ke faruwa a kasar biyo bayan karbe mulkin da sojoji suka yi, lamarin da ba zato ba tsammani ya dakatar da gudanar da zaben, ya kuma janyo suka daga kasashen duniya.
A wata hira da ya yi da manema labarai a fadar gwamnatin kasar, tsohon shugaban ya jaddada cewa an kammala zaben kasar Guinea-Bissau sosai, inda aka kusa kammala kidaya sakamakon zaben kafin sojoji su shiga tsakani tare da dakatar da sanarwar.
Dr. Jonathan ya kara da cewa, duk da cewa ba za a iya kawar da sojoji da karfi ba tare da yin kasadar hasarar rayukan fararen hula ba, dole ne kungiyar ECOWAS ta bude wata tattaunawa da gwamnatin mulkin soji, ta kuma bukaci a sako wasu ‘yan siyasa da ake tsare da su, ciki har da Dan takarar adawa wanda a cewarsa bai aikata wani laifi ba.
“Babban abin da ke da muhimmanci shi ne, cewa an kammala tattara sakamakon da aka yi kusan kammalawa a hakika an san sakamakon kuma babban abin da ke da muhimmanci shi ne a bayyana wanda ya lashe zaben.
“To ba za ku iya korar sojoji da karfi ba idan ba haka ba mutane za su mutu, amma ku sanar da mu wanda ya lashe zaben “Don haka abin da nake rokon shugabannin ECOWAS su yi shi ne su tuntubi shugabannin a Guinea Bissau.”
Tsohon shugaban kasa Jonathan ya bukaci shugabannin kungiyar ECOWAS da su hada kai tsaye ga hukumomin soja a Guinea-Bissau domin tabbatar da cewa an sanar da wanda ya lashe zaben kasar da aka kammala kwanan nan a hukumance.
Ya dage kan cewa kada a tauye mulkin jama’a.
“Yi magana da su, mutane ne sun san abin da ya dace a yi, na farko su saki Dan adawar saboda mutumin bai aikata wani laifi ba, bai bayyana kansa a matsayin wanda ya lashe zabe ba idan da ya yi haka za su ce laifin cin amanar kasa ne don haka babu dalilin da zai sa a kama shi.
“Sannan su bayyana sakamakon kuma idan sojoji za su amince, sai a rantsar da wanda ya ci zabe a matsayin shugaban kasar.”
Ya bukaci shugabannin Afirka ta Yamma da su matsa wa sojoji lamba su fada sakamakon zaben da kuma ba da damar a kaddamar da wanda aka zaba bisa gaskiya.
Da yake nuna matukar damuwa da yadda ake ci gaba da samun karbuwa ba bisa ka’ida ba a fadin nahiyar, Dr. Jonathan ya yi watsi da yunkurin da ake yi na raina lamarin Guinea-Bissau a matsayin wani juyin mulki.
Ya dage cewa kwace bai yi daidai da ka’idojin juyin mulkin na gargajiya ba.
“Mun gaji da wannan a Afirka. Kullum labari ne mara kyau, abin da ya faru a Guinea Bissau ba shine abin da wasu za su kira juyin mulki ba, ba juyin mulki ba ne, mun sani, mun san juyin mulki na gaske, juyin mulki mun sani.
“Wannan ba ko da juyin mulki ba ne, ina neman kalmar da ta dace in kwatanta ta, na kasa samu shi ya sa na kira shi juyin mulki, bikin ne da shugaban kasa ya gudanar da kansa.
“Don haka ne na ce biki ne,” in ji Dr Jonathan.
Tsohon Shugaban kasar ya ce ziyarar tasa ta yi daidai da al’adar da ta dade tana bukatar tsaffin shugabannin Najeriya masu ruwa da tsaki a harkokin yankin da su bai wa shugaban kasa bayanin abubuwan da ke faruwa.
Tsohon Shugaban kasar ya ce ziyarar ta sa ta yi daidai da al’adar da ta dade tana bukatar tsaffin shugabannin Najeriya masu ruwa da tsaki a harkokin yankin da su bai wa shugaban kasa bayanin abubuwan da ke faruwa.
“Na zo da yammacin yau ne domin in yi wa Shugaban kasa bayanin abin da ya faru wanda al’ada ce ga tsohon Shugaban kasa, duk wadannan al’amura na yanki da na Nahiyar a duk lokacin da za ka dawo gida dole ne ka yi wa Shugaban kasa bayanin domin haka ma shugabanni za su gana ba zan je ba, don haka zai iya samun bayanai da farko,” inji shi.
Bayanin na Dokta Goodluck Jonathan ya kara da cewa ana ci gaba da kokarin diflomasiyya a yankin yayin da kungiyar ECOWAS ke ci gaba da tuntubar juna da nufin maido da tsarin mulkin kasar Guinea-Bissau biyo bayan mamayar da sojoji suka yi ba zato ba tsammani da ya dakatar da fitar da sakamakon zaben watan Nuwamba.
Aisha. Yahaya, Lagos
