Shugaban Najeriya Ya Bayyana Alhinin Shi Ga Iyalan Tsohon Mai Shari’a Tanko Muhammad

Shugaban kasa Bola Ahmed Tinubu ya bayyana matukar alhininsa game da rasuwar tsohon babban jojin Najeriya (CJN) Mai shari’a Ibrahim Tanko Muhammad.

A cikin sakon ta’aziyyar da Kakakin Shugaban Kasa Mista Bayo Onanuga ya fitar a ranar Talata Shugaba Tinubu ya bayyana marigayin masanin shari’a a matsayin fitaccen masanin shari’a mai kula da da’a kuma kwazon ma’aikacin gwamnati wanda ya sadaukar da mafi yawan rayuwarsa wajen yi wa shari’a hidima da kuma karfafa shari’ar Nijeriya.

Shugaban ya bayyana cewa kwazon da Mai Shari’a Tanko ya yi a karagar mulki wanda ya kai ga nadinsa a matsayin Alkalin Alkalan Najeriya an bayyana shi ta hanyar gaskiya da jajircewa da sadaukar da kai ga bin doka da oda.

Shugaban na Najeriya ya ce “Marigayi tsohon CJN ya bayar da gudunmawa mai tsoka ga ci gaban tsarin shari’a a Najeriya inda ya bar gadon da zai dore musamman a tsakanin kwararrun masana shari’a da ya ba da jagoranci a shekarun da ya yi yana aiki.”

Shugaba Tinubu ya mika ta’aziyyar shi ga iyalan marigayin da kotun kolin Najeriya da ‘yan majalisar lauyoyi da na Bench da gwamnati da jama’ar jihar Bauchi.

Ya kuma yi addu’ar Allah ya jikan marigayi Mai shari’a Ibrahim Tanko Muhammad ya huta.

Mai shari’a Tanko mai shekaru 71 daga jihar Bauchi ya rasu ranar Talata a kasar Saudiyya. Ya rike mukamin Alkalin Alkalan Najeriya tsakanin 2019 zuwa 2022.