Shugaban Amurka Joe Biden ya sanar da ware biliyoyin daloli a matsayin sabbin kudade ga Afirka a wani taron shugabannin kasashen nahiyar da dama.
Shugaba Biden ya shaidawa shugabannin Afirka 49 da suka halarci taron na Washington DC cewa, “Amurka na kan gaba kan makomar Afirka.”
Mista Biden ya yi wata magana ta mabanbanta da wanda ya gabace shi, inda yake magana da kyakykyawan kyakyawar alaka da Afirka tare da shaida wa taron cewa “idan Afirka ta yi nasara, Amurka na samun nasara. A gaskiya, duk duniya tana yin nasara.”
Ya ce, rikice-rikicen da duniya ke fuskanta a yau suna bukatar jagoranci, tunani, da sabbin abubuwa na Afirka, ya kuma yi alkawarin karfafa muhimman jarin da gwamnatocin Amurka da suka gabata suka yi a Afirka.
Don haka, Mista Biden ya sanar da dala biliyan 55 na taimakon da Amurka ke shirin yi wa Afirka cikin shekaru uku masu zuwa.
Adadin ya hada da dala miliyan 100 don ayyukan makamashi mai tsafta da $350m don samun damar intanet da fasahar dijital.
Har ila yau, Amurka na shirin sanya hannu kan wata yarjejeniya tare da yankin ciniki cikin ‘yanci na nahiyar Afirka, daya daga cikin manyan yankunan ciniki cikin ‘yanci na duniya wanda Mista Biden ya ce “zai bude sabbin damammaki na kasuwanci da zuba jari” tsakanin Amurka da Afirka.
Wannan dai shi ne irin wannan taro na farko da Washington ta shirya tsawon shekaru takwas.
Ana kallon taron a matsayin wani yunƙuri na Amurka na sake tabbatar da tasirinta a Afirka don kalubalantar shigar China.
Har ila yau, Amurka na shirin sanya hannu kan wata yarjejeniya tare da yankin ciniki cikin ‘yanci na nahiyar Afirka, daya daga cikin manyan yankunan ciniki cikin ‘yanci na duniya wanda Mista Biden ya ce “zai bude sabbin damammaki na kasuwanci da zuba jari” tsakanin Amurka da Afirka.
A gefe guda kuma, a gefen taron, Mr. Biden ya gana da shugabannin kasashen Afirka shida da ke gudanar da zabe a shekara ta 2023 daban-daban, domin neman a kada kuri’a cikin ‘yanci.
A yayin da, kafin karshen taron a ranar Alhamis, ana sa ran shugaban na Amurka zai goyi bayan amincewa da kungiyar Tarayyar Afirka a matsayin mamba ta dindindin a rukunin kasashe 20 masu karfin tattalin arziki. Akwai kuma yiyuwar zai sanar da tafiya nahiyar a cikin sabuwar shekara.
Rahoton ya ce ana kallon taron a matsayin yunkurin Mr. Biden na samun koma baya a Afirka ta hanyar diflomasiyya, da kuma kudade da zuba jari.
Leave a Reply