A Zamanin Shugabancin Trump Ba a Gano Balan-Balan Leken Asiri Na Sin Ba

Akalla balan-balan leken asiri uku da ake zargin na kasar Sin ne sun yi shawagi a cikin Amurka ba tare da an gano su ba a lokacin shugabancin Donald Trump, kamar yadda jami’an tsaro suka bayyana.

 

 

Amurka ba ta gano balan-balan din ba a lokacin, in ji Janar Glen VanHerck, yana mai nuni da “Karanci wayar da kan yanki.”

 

 

Wataƙila an fara rarraba su a matsayin Jirgin wasu halittu daga wata duniyar UFO, a cewar New York Times da Bloomberg.

 

 

“Tun daga nan Amurka ta sanya su a matsayin balan-balan sa ido, bisa ƙarin bayanan sirri.”

 

 

Janar VanHerck, jami’in Pentagon da ke da alhakin tsaron sararin samaniyar Amurka, ya ce a ranar litinin akwai gibi a leken asirin soja a lokacin.

 

 

“Hakki na ne na gano barazanar da ake yi wa Arewacin Amurka. Zan gaya muku cewa ba mu gano wadannan barazanar ba,” inji shi.

 

 

A karshen makon da ya gabata ne sojojin Amurka suka harbo wani balon mai leken asiri na kasar Sin bayan ya shafe kwanaki yana tafiya a sararin samaniyar Amurka.

 

Rundunar sojin ruwan Amurka na ci gaba da kokarin kwato baraguzan da ke gabar Kudancin tekun Karolina.

 

 

“Lamarin balloon ya dagula dangantakar Amurka da Sin, inda sakataren harkokin wajen Amurka Antony Blinken a makon da ya gabata ya soke ziyarar da ya shirya zuwa Beijing.”

 

Wannan itace taron manyan jami’an Amurka da China na farko a can cikin shekaru da dama.

 

Aikin leken asiri

 

Fadar White House ta amince da umarnin da shugaban kasar Joe Biden ya bayar ga hukumomin leken asiri na kara kokarin gano ayyukan leken asiri a Amurka tare da taimakawa wajen bayyana lamarin na baya-bayan nan.

 

 

“Mun inganta karfin mu don samun damar gano abubuwan da gwamnatin Trump ta kasa ganowa,” in ji mai ba da shawara kan harkokin tsaro na fadar White House Jake Sullivan.

 

 

A ranar Litinin mai Magana da yawun Majalisar Tsaron Amurka, John K Kirby, ya tabbatar da cewa an ga wasu balon-balan da ake zargin sun yi shawagi a cikin Amurka a lokacin da Mista Trump ke kan karagar mulki.

 

“Daga kowace alamar da muke da ita, na ɗan gajeren lokaci ne – ba komai kamar abin da muka gani a makon da ya gabata dangane da tsawon lokaci,” in ji shi.

 

 

Dangane da Fadin gaskiya, Mista Trump ya yi watsi da rahotanni a matsayin “Rahoton karya.”

 

 

Mark Esper, wanda ya yi aiki a matsayin sakataren tsaro a karkashin Mista Trump, ya shaida wa CNN a ranar Juma’a cewa ya yi “mamaki” da jin rahotannin liken asirin wani balan-balan a wancan lokacin.

 

 

“Ban taɓa tunawa wani ya shigo ofishina ko karanta wani abu da Sinawa ke da balon sa ido sararin samaniyar Amurka ba,” in ji shi.

 

 

Jami’an kasar Sin sun yi musun cewa an yi amfani da balon da ya tsallaka Nahiyar Amurka a makon da ya gabata domin leken asiri, suna masu cewa ” balan-balan yanayi ne” da ya tashi daga kan hanya.