A rana ta biyu a jere a wannan makon hada-hadar kasuwanci ta kare a cikin wani yanayi mara kyau a karshen cinikin tsakiyar mako a kasuwar hada-hadar hannayen jari ta Najeriya.
Ma’aunin rabon duka ya ragu da 0.09% don rufewa a maki 195,898.54 wanda shine maki 165.57 ƙasa da maki 196,066.11 na Talata.
Hakazalika kasuwar ta kashe Naira biliyan 107 don rufewa kan Naira tiriliyan 125,750 sabanin Naira tiriliyan 125,857 a ranar da ta gabata.
Har ila yau tunanin kasuwa na ranar ya kasance mara kyau yayin da ciniki ya rufe tare da masu cin nasara 29 dangane da masu raguwa 40.
Hukumar hada-hadar jari ta Najeriya ce ta jagoranci wadanda suka samu ribar kashi 10% da farashin rufewa N186.45k sai kuma Premier Paints da aka rufe da kashi 9.92% akan N19.40k sai kuma Omatek Ventures da ya samu kashi 8.95% ya rufe akan N2.80k.
A bangaren da suka yi rashin nasara sun hada da Presco UAC na Najeriya da Morison Industries wadanda suka yi asarar kashi 10%,9.97% da 9.94% aka rufe kan N2,083.90k, N104.25k da kuma N10.87k.
Bankin Wema ya samu mafi girman hannun jari a wannan rana inda ya kai miliyan 106 sannan Access Holdings ya biyo baya da hannun jari miliyan 59.
A ranar Larabar da ta gabata an samu jimillar hannun jarin miliyan 671,255 da darajar kasuwar ta kai Naira biliyan 26.12 a cikin kwangiloli 58,784.
