Gwamnatin Spain ta amince da taimakon kudi na kimanin Euro biliyan 7 (dala biliyan 8) ga mutanen da guguwar da ta addabi yankunan Extremadura da Andalusia a makonnin da suka gabata ta shafa.
Spain da Portugal sun sha fama da guguwa da yawa tun farkon shekarar da ta haifar da lalacewar ababen more rayuwa da amfanin gona yayin da hukumomi ke tilasta wa mutane dubbai ficewa.
“Taimakon zai biya diyya ga mutane sama da 12,400 da aka kwashe saboda wadannan abubuwan da suka faru da kuma rage tasirin ruwan sama mai karfi da ambaliyar ruwa a kan gidaje kasuwanni da bangarorin noma da kamun kifi” Ministan kasafin kudi Maria Jesus Montero ya fadawa manema labarai. Montero bai yi watsi da ƙarin taimako ba idan ƙarin lalacewa ya fito daga rahotannin masana.
KU KARANTA KUMA: Najeriya Ta Karfafa Hadin Kan Tattalin Arziki Da Spain
Aƙalla kadada 14,000 na amfanin gona gami da ‘ya’yan itacen lemo da zaitun guguwar ta lalata Ministan Noma Luis Planas ya bayyana wa manema labarai.
Spain ta yi rikodin kashi 38% na ruwan sama fiye da matsakaici tun daga watan Oktoba a cewar hukumar kula da yanayi ta AEMET.
A Portugal da farko gwamnati ta kiyasta sama da Euro biliyan 4 a cikin kudaden sake ginawa kai tsaye kuma ta fitar da Euro biliyan 2.5 a cikin lamuni da abubuwan karfafa gwiwa don taimakawa sake ginawa bayan Guguwar Kristin ta lalata makonni uku da suka gabata.
Spain ƙasa ce da ke kudu maso yammacin Turai da ke yankin Iberian Peninsula. Tana da iyaka da Portugal Faransa da Andorra kuma Tekun Atlantika da Bahar Rum sun kewaye ta. Babban birni shi ne Madrid kuma ƙasar tana da mutane miliyan 47.
A yau, ƙasar Sifen tana ɗaya daga cikin ƙasashen da mutane da yawa suke zuwa yawon buɗe ido kuma an san ta da rairayin bakin teku masu kyau da wuraren tarihi da yanayi mai daɗi da kuma nishaɗin dare. Biranen kamar su Barcelona da Seville da Valencia suna jawo hankalin miliyoyin masu yawon buɗe ido kowace shekara.
