Gwamnan Jihar Sakkwato Ya Rusa Sarakuna Da Sakatarorin dindindin

Sabon Gwamnan Jihar Sakkwato Dr Ahmed Aliyu ya soke nadin Sarakunan gargajiya 14 da Sakatarori na dindindin 23 da Daraktoci 15 da magajinsa Aminu Waziri Tambuwal ya yi.

Sarakunan sun hada da hakimai 13 da sabon Magajin Garin Sakkwato da aka nada Alhaji Sama’ila Abdulkadir Mujeli.

Hakiman sun hada da Alhaji Aliyu Abubakar III (Ciroman Sakkwato da Hakimin karamar hukumar Sakkwato ta Arewa; Alhaji Buhari Dahiru Tambuwal, Sarkin Tambuwal; Alhaji Ibrahim Dasuki Muhammadu Maccido (Barayan Zaki) da Hakimin Sokoto ta Kudu LGA: Alhaji Ibrahim Bello Dansarki, Marafan Tangaza; da Alhaji Bello Sani Torankawa, Sarkin Yamman Torankawa.

Sauran su ne Alhaji Sule Ajiya Kalambaina, Sarkin Gabas Kalambaina; Alhaji Atiku Bello Ayama, Bunun Gongono; Abubakar Buhari Salame, Sarkin Arewan Salame; Alhaji Aminu Aliyu Ibrahim, Sarkin Yamman Balle; Malam Isah Aliyu Rarah, Sarkin Gabas Rarah; Sarkin Kudun Yar’tsakkuwa, Tukur Sansani; da Alhaji Mukhtari Muhammad Tukur Ambarura, Sarkin Gabas Ambarura.

Ba a bayar da dalilin dakatar da su ba amma wani mamba a kwamitin mika mulki da ya nemi a sakaya sunansa ya danganta dakatar da su ne a kan rawar da suka taka a zaben da ya gabata a jihar.

“Nadin nasu bai dace da jama’arsu ba. Wani irin godiya ne kawai saboda goyon bayan da suka bai wa PDP a zaben da ya gabata a jihar,” inji majiyar.

allunan parastatals in ban da na ka’ida da soke duk wani rabon fili da magabata ya yi.

Ya dakatar da gwanjon kadarorin gwamnati da ya ce za a sake duba su.

A halin yanzu, gwamnan ya nada Ibrahim Umar Arkillah a matsayin mukaddashin darakta janar na hukumar jin dadin alhazai ta jihar Sakkwato.