Somaliya: Wani Bam Ya Tarwatse Kuma Ya Kashe Mutane Da Dama

Jami’in yankin ya ce Bam din da bai fashe ba daga bisani ya tashi a kusa da inda akasarin yara – masu shekaru tsakanin 10 zuwa 15 – suke wasa.

Wani harin da aka kai a yankin Lower Shabelle na kasar Somaliya ya halaka fiye da yara 20 galibi yara da matasa tare da jikkata sama da 50, kamar yadda kafafen yada labarai suka ruwaito.

Yawancin wadanda aka kashe a ranar Juma’a ‘yan shekaru tsakanin 10 zuwa 15 ne, kamar yadda rahotanni suka bayyana, inda suka dora alhakin fashewar mma wani bam da bai fashe ba daga bisani ya tashi a kusa da wani wurin da yara da matasa suke wasa.

Bam din “Bam din da ba a fashe ba” ya afku a kusa da garin Qoryoley mai tazarar kilomita 120 da nisan mil 75 kudu da Mogadishu babban birnin kasar, in ji Abdi Ahmed Ali, mataimakin kwamishinan gundumar Qoryoley.

“Suna wasa da harsashi…sai Kurum Ya fashe a kansu. 20 daga cikinsu sun mutu wasu kuma sun jikkata,” in ji Ali.

“Muna rokon gwamnati da hukumomin agaji da su kwashe nakiyoyi da harsasai daga yankin,” in ji shi.

Mazauna yankin sun ce bangarorin da ke fada da juna a Somaliya sun bar harsashin a wani mataki.

Wani rahoto ya ce yaran sun gano wata bam da ba ta da kyau a filin wasan kwallon kafa kuma suna wasa da ita lokacin da ta fashe. Ruwan sama na baya-bayan nan ya gano bam din kamar yadda rahotanni suka bayyana.