Shugaba Tinubu ya gana da Asari Dokubo

Shugaban Najeriya, Bola Tinubu yana ganawa da tsohon mai fafutukar Neja Delta, Asari Dokubo a fadar gwamnati da ke Abuja.

Dokubo ya isa fadar Aso Rock Villa da misalin karfe 11:00 na safe bayan ya shiga ganawar sirri da shugaban.

Makonni uku da suka gabata, Dokubo ya shirya matasan Neja-Delta domin halartar kotun sauraren kararrakin zaben shugaban kasa da ke zamanta a Abuja.

Wani babban mai goyon bayan Tinubu, a ranar Alhamis din da ta gabata ya bukaci ‘yan Najeriya da su tuhume shi idan gwamnatin shugaban kasa ta gaza.

Yayin da yake magana kan illar dakatar da tallafin man fetur, ya bayar da hujjar cewa tsoffin shugabannin kasa Goodluck Jonathan da Muhammadu Buhari sun gaza yin abin da Tinubu ya yi a makonnin da suka gabata na gwamnatin sa.