Jam’iyyar African Democratic Congress (ADC), ta jaddada kudirinta na shigar da mata cikin harkokin siyasa a daidai lokacin da Najeriya ke bikin ranar mata ta duniya, inda ta bayyana cewa dole ne mata su tashi daga kangi zuwa tsakiyar shugabanci da yanke shawara.
A cikin wata sanarwa dauke da sa hannun Mallam Bolaji Abdullahi, sakataren yada labarai na jam’iyyar ADC, jam’iyyar ta yi nuni da cewa matan Najeriya suna da kaso mai tsoka na al’amuran zamantakewa da tattalin arzikin kasa, amma duk da haka ba su da wakilci a yawancin cibiyoyin kasa.
ADC ta ce kwamitinta na aiki na kasa (NWC) yana nuna kokarin da aka yi na sanya mata a cikin shugabanci tare da jaddada cewa karfafawa mata yana da mahimmanci don karfafa dimokuradiyyar Najeriya.
Ya kara da cewa ADC ce kadai jam’iyyar siyasa a Najeriya wacce kundin tsarin mulkinta ya bai wa mata kashi arba’in na dukkan mukaman jam’iyyar.
“Yayin da Najeriya ta bi sahun sauran kasashen duniya domin tunawa da ranar mata ta duniya, jam’iyyar African Democratic Congress (ADC) na bikin miliyoyin matan Najeriya wadanda kwazonsu, jajircewarsu, da shugabancinsu ke ci gaba da raya kasa a kowace rana
“Mata shugabanni ne, suna daga cikin tsare-tsaren da ke jagorantar jam’iyyar da kuma tsara yadda za a zartas da su, tsarin da kwamitin gudanar da ayyukanmu na kasa ya yi ya nuna da gangan wajen tabbatar da cewa mata ba a tura su a siyasance ba, amma suna da hannu a cikin shugabanci da yanke shawara.
“Ga jam’iyyar ADC, mata abokan hadin gwiwa ne wajen gina kasa. A duk fadin Najeriya, mata suna daukar nauyi mai yawa a gidajensu, al’ummominsu, da wuraren aiki, duk wani yunkuri na siyasa da ke da matukar muhimmanci wajen gina kasa mai inganci, dole ne ya gane da kuma amfani da wannan karfin.
“A dangane da haka, a wannan bikin tunawa da ranar mata ta duniya ta 2026, lokacin da shugabanni da cibiyoyi ke sake ba da himma wajen saka hannun jari a cikin mata a karkashin taken #GiveToGain, African Democratic Congress na sake jaddada aniyarmu na gina al’adun siyasa inda aka baiwa mata damar jagoranci da kuma shiga cikakkiyar damar tsara makomar kasarmu.”
A’isha. Yahaya, Lagos
