Sabon Shugaban Sojojin Nijar Ya Gana Da Jami’an Gwamnati

Sabon shugaban sojojin Nijar ya gana da mambobin gwamnati a karon farko tun bayan juyin mulkin ranar Laraba.

Taron ya gudana ne a fadar shugaban kasa da ke Yamai babban birnin kasar, bayan da aka ayyana Janar Abdourahamane Tchiani, shugaban dakarun tsaron fadar shugaban kasar tun shekara ta 2011, a matsayin sabon shugaban kasar wanda ya maye gurbin tsohon shugaban kasar Mohamed Bazoum.

A ranar Alhamis din da ta gabata, MDD ta dage cewa har yanzu tana ba da agajin jin kai ga kasar duk da cewa an dakatar da zirga-zirgar jiragen sama saboda yanayin tsaro.

Wakilin Majalisar Dinkin Duniya a kasar ya yi kira da a saki shugaba Bazoum.

Tallafin jin kai ga Nijar ya karu daga mutane miliyan 1,9 a cikin 2017 zuwa miliyan 4,3 a cikin 2023, a cewar OCHA na Majalisar Dinkin Duniya.

“A shekarar 2023, kafin wannan rikicin siyasa, Nijar na da mutane miliyan 4.3 na bukatar agaji, inda miliyan 3.3 ke cikin matsanancin karancin abinci, yawancinsu mata da yara ne. Don haka muna son a nan kuma mu karfafa kiran jin kai ga dukkan abokan aikinmu da su kara tallafa wa ayyukan jin kai a Nijar, wanda ya zuwa yanzu kashi 32 cikin dari ne kawai ke samun tallafi,” in ji Nicole Kouassi, wakilin shirin ci gaban Majalisar Dinkin Duniya a Nijar.

Africanews/Ladan Nasidi.