Manchester City ta sayi dan wasan bayan Croatia Josko Gvardiol daga Leipzig

Zakarun gasar Premier Manchester City ta kammala siyan dan wasan bayan Croatia Josko Gvardiol daga kungiyar RB Leipzig ta Jamus kan kwantiragin shekaru biyar, in ji kulob din.

Gvardiol, mai shekara 21, ya koma Leipzig ne daga Dinamo Zagreb shekaru biyu da suka wuce, ya kuma buga wa kungiyar ta Bundesliga wasanni 87, inda ya lashe kofin Jamus a kakar wasanni biyu.

Welcome, Josko! 🙌 pic.twitter.com/h5twzhVNy1

— Manchester City (@ManCity) August 5, 2023

Gvardiol ya ce “A koyaushe ina mafarkin yin wasa wata rana a Ingila kuma in yi haka a yanzu tare da Manchester City – bayan kakar wasan da suka yi – abin alfahari ne a gare ni.”

“Duk wanda ya ga Manchester City ta taka leda a kakar wasan da ta gabata ya san cewa ita ce mafi kyawun kungiya a duniya. Don lashe treble ya ce duk abin da kuke buƙatar sani game da ingancin wannan ƙungiyar. Shiga City wani abu ne na musamman a gare ni da iyalina.”

“Don samun damar yin aiki tare da Pep Guardiola zai zama abin ban mamaki. Na san har yanzu ban gama kammala labarin ba kuma na tabbata wasa na zai ci gaba a karkashin kociyan da ya fi kowa kyau a kwallon kafa,” in ji shi.

Kara karantawa: Manchester City ta sayi dan wasan tsakiya Mateo Kovacic Daga Chelsea

Yanzu Gvardiol ya zama dan wasa na biyu da Manchester City ta dauko a bazara bayan zuwan dan wasan Croatia Mateo Kovacic.

Mai tsaron bayan ya buga wa Croatia wasanni 21 kuma yana cikin tawagar da ta kai wasan dab da na kusa da na karshe a gasar cin kofin duniya ta 2022.

Ladan Nasidi.