Shugaban kasa Tinubu Zai rantsar da sabbin ministoci ranar Litinin

A ranar Litinin 21 ga watan Agusta, 2023, shugaban kasar Najeriya, Bola Ahmed Tinubu, zai rantsar da sabbin ministocinsa a dakin taro na fadar shugaban kasa, Villa dake Abuja, babban birnin kasar.

KU KARANTA KUMA: Shugaba Tinubu ya nada mukaman Ministoci

A ranar Larabar da ta gabata ne shugaban kasar ya sanya wa ministocin da aka nada mukamai, wadanda majalisar dattawan Najeriya ta tabbatar da su kwanan nan.

Babban Sakatare, Babban Ofishin Ayyuka a Ofishin Sakataren Gwamnatin Tarayya (OSGF), Nnamdi Mbaeri wanda ya sanar da hakan ya bayyana cewa za a gudanar da bikin rantsarwar ne daga karfe 10 na safe a ranar.

Ya kara da cewa; “Wadanda aka nada ministocin su lura da cewa takardunsu za su gudana ne a dakin taro, ofishin kula da jama’a, hawa na biyu, ofishin sakataren gwamnatin tarayya daga karfe 10 na safe zuwa karfe 4 na yamma ranar Asabar 19 da Lahadi 20 ga watan Agusta. 2023.”

Ladan Nasidi.