Tsarin musayar fursunoni da Amurka zai ɗauki watanni biyu – Farisa

Kakakin ma’aikatar harkokin wajen Iran Nasser Kanaani, ya ce matakin sakin fursunonin Amurka da ake tsare da su a arisa zai dauki tsawon watanni biyu, bayan wata yarjejeniya da Washington.

Kanaani ya bayyana hakan ne yayin wani taron manema labarai a ranar Litinin.

“Hukumomin da abin ya shafa sun sanar da wani takamaiman lokaci, kuma zai ɗauki tsawon watanni biyu kafin aiwatar da wannan aikin,” in ji Kanaani.

A farkon wannan watan, Tehran da Washington sun cimma yarjejeniya ta yadda za a ‘yantar da wasu Amurkawa biyar da ake tsare da su a Farisa yayin da za a saki dala biliyan 6 na kadarorin Iran da aka dakatar a Koriya ta Kudu.

REUTERS/Maimuna Kassim Tukur.