Hukumar kwallon kafa ta Spain (RFEF) ta ce an kori kociyan kungiyar kwallon kafa ta mata Jorge Vilda kwanaki 10 bayan da FIFA ta dakatar da shugabar hukumar ta RFEF saboda sumbatar ‘yar wasan tawagar kasar Jenni Hermoso a baki domin murnar nasarar da kasar Sipaniya ta samu a gasar cin kofin duniya.
An maye gurbin Vilda da mataimakinsa, Montse Tome, wadda ta zama mace ta farko da ta fara horar da tawagar mata ta kasa. Ta kasance mataimakiyar kocin Vilda tun daga 2018 kuma tun daga lokacin “ta kafa kanta a matsayin babbar ‘yar wasa a ci gaban kungiyar ta kasa”, in ji RFEF a cikin wata sanarwa.
Kara karantawa: FIFA ta dakatar da shugaban hukumar kwallon kafar Spain na wucin gadi
Wata sabuwar hukumar da aka kafa bayan dakatar da shugaban RFEF Luis Rubiales da hukumar kwallon kafa ta duniya ta yi, bisa zargin sumbatar da ba a yarda da su ba a lokacin bikin cin kofin duniya na FIFA makonni biyu da suka wuce, ta soke kwangilar Vilda.
A cikin wata sanarwa da ba ta bayar da wani dalili na korar shi ba kuma ba ta ambaci Hermoso, Rubiales ko abin kunya ba, RFEF ta gode wa Vilda mai shekaru 42 saboda “gadon wasanni na ban mamaki”.
Sanarwar ta RFEF ta ce “Kocin ya kasance mabudi ga ci gaban kwallon kafa na mata kuma ya bar Spain a matsayin zakarun duniya kuma na biyu a jerin FIFA.”
Vilda, wanda ake yi la’akari da shi a matsayin na kusa da Rubiales, ya sha suka tun bara bayan da ‘yan wasa 15 suka gudanar da zanga-zangar neman ya yi murabus saboda rashin isassun hanyoyin horar da ‘yan wasan da kuma yin kira da a samar da sharudda da za su dace da na ‘yan wasan na maza.
Yawancin ‘yan wasan da abin ya shafa an yanke su daga cikin tawagar duk da an biya wasu bukatu.
Manyan ‘yan wasa mata 58 na Spain sun ce ba za su buga wa kungiyar kwallon kafa ta kasa ba a karkashin jagorancin da ake da su. Wata majiya ta RFEF ta ce a makon da ya gabata an fara tuntubar ‘yan wasa don ganin ko cire Vilda zai canza hakan.
LadanNasidi
