Dole Ne A Gudanar Da Zaben Shugaban Kasa Na Rasha A 2024- Kremlin

Fadar Kremlin ta yi imanin cewa ya kamata a gudanar da zaben shugaban kasa da na ‘yan majalisar dokokin Rasha a kan jadawali ba tare da la’akari da “aikin soji na musamman” a Ukraine ba, in ji kakakin shugaban kasar Dmitry Peskov a ranar Litinin.

Kamfanin dillancin labaran Interfax ya nakalto Peskov yana cewa “Mun ci gaba daga bayanin shugaban kasar (Vladimir) Putin inda ya jaddada bukatar bin dukkan bukatun dimokuradiyya, tsarin mulki da kuma gudanar da wadannan zabuka.”

Peskov yana mayar da martani ne ga kalaman shugaban Checheniya Ramzan Kadyrov, na kusa da Putin wanda aka ambato a ranar Asabar yana cewa ko dai Rasha ta dage zaben shugaban kasa saboda yakin da ake yi a Ukraine ko kuma ta kyale dan takara daya kacal in ji Putin.

Rasha ta shirya gudanar da zaben shugaban kasa na gaba a shekara ta 2024 da kuma zaben ‘yan majalisa na gaba a shekara ta 2026.

REUTERS/ Ladan Nasidi.