Gwamnatin jihar Sokoto ta fitar da matakan kariya domin magance matsalar bullar cutar zazzabin cizon sauro a jihar.
KU KARANTA KUMA: zazzabin cizon sauro: Masu ruwa da tsaki sun shelanta yaki da sauro
Kwamishiniyar lafiya ta jihar, Hajiya Asabe Balarabe ce ta bayyana haka a cikin wata sanarwa da ta rabawa manema labarai a Sokoto ranar Lahadi.
Zazzabin cizon sauro cuta ce da sauro ke yadawa, wanda ke da alamomi kamar zazzabi mai zafi, matsanancin ciwon kai, ciwon gabobi da tsoka, da rauni gaba daya.
Balarabe ta bayyana cewa, ko da yake kawo yanzu ba a samu rahoton mace-mace ko zubar jini ba, ma’aikatar lafiya ta jihar ta bukaci mazauna yankin da su dauki matakan kariya da gaske domin dakile yaduwar cutar.
Ta yi bayanin cewa, “A ‘yan kwanakin nan ma’aikatar lafiya ta Sakkwato ta samu rahoton bullar zazzabin da ake fama da ita a sassan jihar da dama da ba sa daukar matakan da suka dace na maganin zazzabin cizon sauro.
“Ma’aikatar ta tattara samfurori daga wadanda abin ya shafa, kuma sakamakon ya nuna kasancewar kwayar cutar a wasu lokuta,” in ji ta.
Kwamishiniyar ta ce ya kamata a lura da cewa irin wannan lamari ya faru a jihar a shekarar 2016 da 2019.
“Saboda haka, yana da mahimmanci dukkanmu mu dauki matakin hana yaduwar wannan cuta.
Ta kara da cewa “Abin farin ciki, ba a sami rahoton zubar jini ko mace-mace daga kowane irin hali ba.”
Ta kuma bukaci jama’a da su dauki matakan da suka dace domin kawar da wuraren kiwon sauro tare da karfafa amfani da gidajen sauro da aka yi wa maganin kashe kwari.
“Har ila yau, ya kamata mu kula da tsaftar mutum ta hanyar sanya tufafin kariya da tabbatar da tsabta.
“Bugu da ƙari, yada wayar da kan jama’a da ilimantar da danginmu, abokanmu, da maƙwabtanmu game da matakan rigakafi yana da mahimmanci a yaƙi da cutar,” in ji ta.
Balarabe ya kuma bukaci jama’a da su nemi kulawar likitoci, ya kuma umurci ma’aikatan kiwon lafiya da su yi taka-tsan-tsan wajen gano cutar zazzabin da samar da matakan da suka dace.
Ladan Nasidi.
Leave a Reply