An zabi fitacciyar alkalin wasa ta Najeriya kuma mai lambar FIFA, Yemisi Akintoye, a gasar cin kofin zakarun mata na Afirka na 2023 da za a yi a Cote d’Ivoire daga ranar 5 ga Nuwamba zuwa 19 ga Nuwamba.
Ta kammala karatun ta a Jami’ar Legas ta na daya daga cikin alkalan wasa 17 da aka tantance a fadin Afirka kuma daya daga cikin 12 da aka zaba bayan kwas din share fage na mako guda.
Sanarwar da Hukumar Kwallon Kafa ta Afirka ta fitar a ranar Litinin ta tabbatar da halartar Akintoye tare da sauran alkalan wasa a gasar zakarun mata ta Afirka ta 2023.
An ce Akintoye zata yi alkalancin ne tare da Salma Musaganda ‘yar kasar Rwanda wadda ita ce ‘yar Afirka mace ta farko da ta yi alkalanci a gasar cin kofin duniya ta maza.
Kamfanin Dillancin Labaran Najeriya ya bayar da rahoton cewa an ba Akintoye lamba a matsayin alkalin wasa na FIFA a shekarar 2021.
Ta kasance a wasu wassani na kasa da kasa da suka hada da, kungiyar mata ta WAFU, da Aisha Buhari da dai sauransu.
NAN/Ladan Nasidi.
Leave a Reply