Wadanda suka yi ritaya a karkashin tsarin bayar da gudummawar fansho sun bukaci aiwatar da mafi karancin kudaden fansho.
Sun bayyana bukatar nasu ne a cikin wata sanarwa mai taken ‘Bukatar cikakken aiwatar da tsarin bayar da gudunmawar fansho a Najeriya,’ wanda shugaban kungiyar masu ba da gudummawa ta ‘yan fansho ta Najeriya reshen Eleyele, Ibadan, Matthew Shittu ya sanya wa hannu.
A cikin sanarwar, sun nemi goyon bayan shugaban Najeriya, Bola Tinubu, shugaban ma’aikatan tarayya, shugaban majalisar dattawa, da kuma babban darakta na hukumar fansho ta kasa.
Ma’aikatan da suka yi ritayar sun bayyana cewa, “A halin yanzu karin albashin ma’aikata da ma’aikatan gwamnatin tarayya da suka yi ritaya a matsayin mafi karancin albashi na N30,000, wanda babu wani tanadi da aka yi wa ‘yan fansho a karkashin tsarin bayar da gudunmawar fansho. Muna bukatar a yi tanadi ga wannan rukunin masu karbar fansho.”
Mambobin kungiyar sun yabawa Gwamnatin Tarayya bisa yadda ta fitar da kudade a kan kari sannan kuma sun umurci kamfanin PenCom da ta tabbatar da biyan ma’aikatan CPS masu ritaya kamar yadda ya kamata.
“Biyan karin kudin fensho bisa kashi 15 da kashi 33 na 2007 da 2010, duk da haka ba a biya ba, kungiyar ta bukaci aiwatar da shi cikin gaggawa,” in ji ta.
Wadanda suka yi ritaya sun fusata saboda rashin bayyana samfuri don ƙididdige fa’idodin waɗanda suka yi ritaya a ƙarƙashin CPS.
Misali, ta kara da cewa, “Gwamnatin Tarayya ta hannun Babban Bankin Najeriya da PenCom har yanzu suna bin duk wani nau’i na CPS tun daga shekarar 2004, sun tara kudaden hakokinsu kamar a watan Yulin 2004 wanda aka ajiye a bankin CBN a matsayin lamuni.
“Saboda haka, muna neman a kirga duk wani kudaden da aka tara (A duk kudaden da aka samu) tun daga watan Yulin 2004 a kan kudin ruwa na gwamnati kamar yadda a lokacin da za a biya wa mambobinmu.”
Wadanda suka yi ritaya sun kuma bukaci wakilcin kungiyar a kan kwamitin duba dokar fansho mai zuwa a shekarar 2024.
CPUN ta ce ba ta son mutanen da ba masu ruwa da tsaki su sake wakilta ta ba.
Ya ci gaba da cewa, “Kungiyar ta kuma bukaci cewa, daga yanzu, duk wani hakki na masu ritaya a karkashin CPS bai kamata a biya su kamar kashi 2.5 cikin 100 ba wanda aka ba da shi a cikin shekaru 10. Duk wani haƙƙin da aka jinkirta ya kamata a biya shi kai tsaye ga waɗanda suka ci gajiyar.”
.Punch/Ladan Nasidi.
