Gwamnan jihar Kwara kuma shugaban kungiyar gwamnonin Najeriya (NGF) AbdulRahman AbdulRazaq ya bayyana alhinin shi game da rasuwar gwamnan jihar Ondo, Olurotimi Akeredolu (SAN), yana mai bayyana shi a matsayin wani fitaccen dan jiha wanda ya taka rawar gani a aikin gwamnati.
“Ina mika ta’aziyyata ga kungiyar gwamnonin Progressives’ Forum, gwamnati da al’ummar jihar Ondo, kungiyar lauyoyi ta Najeriya (NBA), da kuma dangin dan uwana kuma abokin aikina mai girma Olurotimi Akeredolu SAN,” in ji Gwamnan.
“Lauya na gaba kuma dan siyasa mai kishin kasa, za a tuna da Mai girma Gwamna bisa jajircewarsa, kishin kasa, da gudummawar da ba za ta iya misaltuwa ba ga tsarin mulki da cigaban siyasar Najeriya.
“Kamar yadda fitowar sa ke da zafi a gare mu duka, muna samun ta’aziyya a cikin kyawawan abubuwan da ya gada a matsayinsa na mai gaskiya kuma mai mulki. Muna rokon Allah ya jikan sa, ya kuma duba iyalan shi”.
Sakon Gwamnan na kunshe ne a cikin wata sanarwa da ya fitar ta hanun
babban Sakataren Yada Labarai, Rafiu Ajakaye.
Ladan Nasidi.
