Kimanin Falasdinawa 150,000 ne ake tilastawa barin yankunan tsakiyar Gaza, in ji Majalisar Dinkin Duniya, yayin da sojojin Isra’ila ke ci gaba da kai wa sansanonin ‘yan gudun hijira hari.
Shaidu da reshen Hamas dauke da makamai sun sanar da cewa tankokin yaki sun isa wajen gabashin sansanin Bureij.
A baya-bayan nan ne sojojin Isra’ila suka fadada hare-harensu na kasa zuwa Bureij da kuma sansanonin Nuseirat da Maghazi da ke kusa.
Har ila yau harin bam da Isra’ila ta kai ya kashe mutane da dama a fadin Gaza a ranar Alhamis, in ji ma’aikatar lafiya ta Gaza.
Masar ta tabbatar da cewa ta gabatar da shawara mai matakai uku na dakatar da fadan da ya kawo karshe da tsagaita wuta.
An ce tawagar Hamas ta isa birnin Alkahira domin bayar da martani ga shirin.
Sama da mutane 21,300 ne aka kashe a Gaza galibi yara da mata a tsawon makonni 11 da aka kwashe ana gwabzawa, a cewar ma’aikatar lafiya ta Gaza.
BBC/Ladan Nasidi.
