Shugaban kasar Ecuador Daniel Noboa ya ba da umarnin a “ gama da kungiyar ‘yan bindiga” bayan kwanaki da aka shafe ana tashe tashen hankula a wani harin da aka kai a wani gidan talabijin.
Wasu ‘yan bindiga da aka rufe da fuskokinsu sun kutsa cikin gidan talabijin na jama’a na TC’s live studio yayin wani watsa shirye-shirye, inda suka tilasta wa ma’aikatan zuwa kasa.
‘Yan sanda sun kama mutane 13 bayan harin, wanda ya jikkata ma’aikata biyu.
Akalla mutane 10 ne suka mutu tun bayan kafa dokar ta-baci ta kwanaki 60 a Ecuador ranar Litinin.
An ayyana dokar ta-baci ne bayan da wani dan daba da ya yi kaurin suna ya bace daga gidan yari. Babu tabbas ko lamarin da ya faru a gidan talabijin na Guayaquil yana da nasaba da bacewar wani gidan yari a wannan birni na shugaban kungiyar Choneros, Adolfo Macías Villamar, ko Fito kamar yadda aka fi sani da shi.
Shugaba Noboa ya ce yanzu haka akwai “rikicin cikin gida” a kasar kuma yana tara sojojin kasar don aiwatar da “ayyukan soji domin kawar da su” abin da ya kira “laifi na kasa-da-kasa, kungiyoyin ta’addanci da masu fafutuka masu zaman kansu”.
A makwabciyar kasar Peru, gwamnatin kasar ta ba da umarnin tura jami’an ‘yan sanda cikin gaggawa zuwa kan iyakar kasar domin hana duk wani rikici da ya barke a cikin kasar.
Amurka ta ce ta yi Allah-wadai da harin ta’addancin da aka kai a Ecuador kuma tana ci gaba da “hadin gwiwa” da Shugaba Daniel Noboa da gwamnatin shi ta Ecuador kuma a shirye take don ba da taimako.
Ecuador tana daya daga cikin manyan masu fitar da ayaba a duniya, amma kuma tana fitar da mai, kofi, koko, jatan lande da kayayyakin kifi. Ana danganta karuwar tashe-tashen hankula a kasar Andean, ciki da wajen gidajen yarin ta, da fada tsakanin masu safarar miyagun kwayoyi, na kasashen waje da na cikin gida, kan sarrafa hanyoyin da hodar iblis ta kai Amurka da Turai.
Dokar ta-baci
Sanarwar gaggawa ta Shugaba Noboa ta mayar da martani ne kan tarzomar gidan yari na baya-bayan nan da kuma tserewa daga gidajen yari da sauran ayyukan tashe-tashen hankula da hukumomi ke dorawa alhakin aikata laifuka.
Dokar nasa ta lissafa Choneros (mai suna garin Chone a lardin Manabi) da kuma wasu kungiyoyi 21.
An ayyana dokar ta baci a ranar Litinin, wadda ta kafa dokar hana fita na dare a kokarin dakile tashin hankalin da ya biyo bayan tserewar Fito. Jami’an tsaro na kokarin sake tabbatar da zaman lafiya a akalla gidajen yari shida da aka samu tarzoma a ranar litinin.
BBC/Ladan Nasidi.
