Babban kocin Najeriya Jose Peseiro, ya bayyana cewa Super Eagles sun fi abokan karawar su a gasar cin kofin Nahiyar Afirka da ake yi a kasar Cote d’Ivoir.
KU KARANTA KUMA: Equatorial Guinea ta rike Najeriya a gasar AFCON a rukunin A
Peseiro ya bayyana haka ne yayin da yake mayar da martani kan wasan da Najeriya ta yi da Equatorial Guinea da ci 1-1 a jiya.
Bayan sakamako mai ban takaici, Peseiro ya ce ya gamsu da kwazon ‘yan was an shi.
“Mun yi fatan samun nasara a wannan wasa kuma mun yi komai domin samun nasara”.
Sai dai ya nuna rashin jin dadinsa game da gazawar kungiyarsa ta sauya damar da suka samu a raga.
“Ban ji dadi ba. Na cancanci yin nasara, wannan zanen bai dace da mu ba, kungiyar mu ta samar da damarmaki da yawa amma ba mu ci kwallo ba”.
“Muna fatan cewa a karo na gaba, koda da karancin damammaki, za mu zura kwallo a raga, sai dai kawai mu inganta wasanmu,” in ji shi.
Wakilan mu sun bayyana cewa Super Eagles za ta kara da mai masaukin baki Cote d’Ivoire, a wasan su na biyu.
Wasan da za a yi ranar Alhamis a filin wasa na Olympique Alassane Ouattara da ke Ebimpe da karfe 5 na yamma, za su zama masu yanke hukunci ga Super Eagles, wadanda kusan ba su da damar yin kuskure.
Najeriya ta buga wasa karo na 20 a gasar cin kofin Afrika ta CAF.
Sun lashe gasar sau uku (1980, 1994, 2013) kuma sun kai wasan dab da na kusa da na karshe a wasanni 14 daga cikin 17 da suka buga na AFCON.
An doke Najeriya a wasan karshe na gasar cin kofin nahiyar Afirka na CAF a Cote d’Ivoire, inda a shekarar 1984 ta sha kashi a hannun Kamaru da ci 3-1.
Wannan shi ne karo na hudu da Equatorial Guinea ta buga gasar cin kofin nahiyar Afirka ta CAF, amma wannan ne karo na biyu da ta samu shiga a matsayin wanda ba mai masaukin baki ba.
Ya zuwa yanzu dai sun kai matakin buga wasan kwata-fainal a 2012 da 2021, matsayi na 4 a 2015.
NAN/Ladan Nasidi.
