Masu adawa da dage zaben shugaban kasar Senegal na ci gaba da fuskantar tsawaita wa’adin Macky Sall a kasar Senegal, yayin da shugaban kasar ya ki amsa kiran da suka yi na takamammen ranar zabe.
‘Yan adawa dai sun yi ta matsa kaimi a zaben a cikin watan Maris, wanda ya yi daidai da wa’adin tsarin mulki na ranar 2 ga watan Afrilu na mika mulki. Sai dai shugaba Macky Sall ya bayyana cewa yana jiran sakamakon tattaunawar da ya fara a makon da ya gabata kafin ya tsayar da takamaiman ranar zabe.
Wannan tattaunawa da za a yi a ranar Litinin da Talata mai zuwa, za ta iya yin tasiri ga halartar dan takarar adawa Bassirou Diomaye Faye na tsohuwar jam’iyyar Pastef, da kuma mai ba shi shawara Ousmane Sonko. Shugaba Macky Sall ya nuna farin cikin sakin Sonko.
Bukatar ‘yan adawar na neman a fayyace kan ranar zaben na nuna irin takun sakar siyasa a Senegal, yayin da bangarori daban-daban ke jiran matakai na gaba a tsarin zaben.
Africanews/ Ladan Nasidi.
