Archbishop na Cape Town ya gudanar da taron manema labarai a ranar Talata bayan da wani kwamitin nazari ya gano cewa Cocin Anglican a Afirka ta Kudu ya gaza sanar da sauran majami’u “babban hadarin” da mai cin zarafin yara John Smyth ke da shi.
“Na yarda da binciken kwamitin ba tare da kayyadewa ba. Na yarda cewa a lokacin Smyth a Cape Town mutanen Allah sun fuskanci yuwuwar cin zarafi da aka yi masa, kuma ni da diocese muna neman afuwar ’yan’uwanmu da sauran al’umma cewa ba mu kare mutane daga wannan hadarin ba,” inji Thabo Makgoba.
A cewar Makgoba nazarin kwamitin ya shafi ayyukan da cocin ta yi a baya a Afirka ta Kudu ciki har da yadda ta gudanar da rahoton cin zarafin Smyth a Birtaniya a 1981 da 1982 da kuma Zimbabwe a cikin 1990s wanda aka samu daga Diocese na Ely a 2013.
Makgoba ya ce kawo yanzu ba su samu rahoton cin zarafi a cocin Afrika ta Kudu ba.
Africanews/Ladan Nasidi.
