Mataimakin shugaban kasa Kashim Shettima ya bayyana matukar alhininsa game da rasuwar dattijon jihar Cif Edwin Clark yana mai bayyana hakan a matsayin babban rashi ga Najeriya.
A cikin sakon ta’aziyyarsa mataimakin shugaban kasar ya jinjinawa irin dimbin tasirin da Clark ke da shi a kan batutuwan da suka shafi Najeriya, musamman jajircewarsa na kula da albarkatun kasa da tabbatar da adalci a yankin Neja Delta a tsawon shekaru sittin.
“Lokacin da katuwar bishiyar Iroko ta fadi yanayin da kansa ya canza har abada. A yau hangen nesanmu na kasa ya bambanta sosai ba tare da umarnin Cif Clark ba wanda ya bayyana maganganun siyasarmu sama da shekaru sittin ”in ji shi.
Shettima ya mika ta’aziyyarsa ga iyalan Clark-Fuludu Bekederemo inda ya amince da marigayi Cif Clark a matsayin fitaccen dan kishin kasa kuma mai fafutukar tabbatar da gaskiya da adalci.
Mataimakin shugaban kasar ya kuma yi tsokaci kan shawarwarin Clark na sake fasalin kasa wanda ko da yake sau da yawa yana sanya shi cikin sabani da gwamnatoci daban-daban ya ba shi girmamawa sosai a tsakanin bangarorin siyasa.
“Cif Clark ya kunshi jajircewar Neja-Delta – ba tare da sunkuyar da kai ba wajen neman adalci. Ya ci gaba da nuna cewa jagoranci na gaskiya yana fitowa ne daga ka’ida maras karkata a maimakon siyasa.”
LADAN NASIDI.
