Hukumar Kare bayanai ta Najeriya (NDPC) ta rattaba hannu kan yarjejeniyar fahimtar juna (MOU) da Hukumar Kare bayanai ta Somaliya don inganta kariya da bayanan sirri.
An yi wannan haɗin gwiwar ne a lokacin da wakilai daga hukumomin kare bayanan da dama suka ziyarci hedikwatar NDPC da ke Abuja babban birnin Najeriya bayan kammala taron NADPA-RAPDP a babban taron na shekara-shekara.
Wadannan tawagogin dai sun kasance a Najeriya domin yin nazari kan dabarun da hukumar NDPC ta dauka wanda ya sanya ta a matsayin wani babban jigo a fannin kare bayanan da ke tattare da muhallin duniya.
Kwamishinan NDPC na kasa Vincent Olatunji ya sanya hannu kan yarjejeniyar ( MOU ) tare da Darakta-Janar na DPA Somalia Mohamed Nur Ali da ya halarta.
Ana sa ran MOU zai karfafa alakar da ke tsakanin Hukumomin Kare bayanai da kuma ci gaba da kare bayanan sirri a kasashen biyu.
Shugabar Hukumar Yada Labarai ta Gambia Misis Neneh MacDouall-Gaye ta bayyana jin dadin ta da kyakkyawar karba da NDPC ta yi wa tawagarta.
Ta yabawa tawagar Hukumar karkashin jagorancin Dr Olatunji bisa nasarar da suka yi na karbar bakuncin taron.
Madam MacDouall-Gaye ta kuma bayyana fatanta na cewa nan ba da dadewa ba kasar Gambia za ta yi koyi da kasar Somaliya ta hanyar kulla yarjejeniya da hukumar NDPC da zarar an kafa hukumar kare bayanai mai zaman kanta a kasar.
Aisha.Yahaya, Lagos
