Najeriya Da Indiya Zasu Kefafa Haɗin Kai A Masana’antar Kitkire-Kirkire

Najeriya da Indiya sun dukufa wajen karfafa alaka a masana’antar kirkire-kirkire, musamman a harkar fim.

Ministan yada labarai da al’adu, Alhaji Lai Mohammed ya ce hadin gwiwa tsakanin Najeriya da Indiya a masana’antar kere-kere ya fara samun ‘ya’ya, inda ake shirin kaddamar da fim din ‘yan Najeriya da Indiya baki daya.

Ministan ya bayyana haka ne a Abuja ranar Alhamis lokacin da ya karbi bakuncin babban kwamishinan Indiya a Najeriya, Shri Balasubra Maniam, a wata ziyarar ban girma da ya kai masa.

Yace; “Ma’aikatar ita ce kan gaba wajen hada kan furodusoshi da ‘yan wasan kwaikwayo da masu tallata masana’antar Bollywood domin yin mu’amala da musanyar ra’ayi da takwarorinsu na Najeriya na Nollywood, kasancewar Indiya da Najeriya sune manyan masana’antar kere-kere.

“Na yi farin ciki cewa hadin gwiwa tsakanin Najeriya da Indiya kwanan nan a fannin al’adu, masana’antu, fina-finai da waka ya samar da ‘ya’ya. Na yi farin ciki da cewa fim ɗin kwanan nan, ‘Post Card from India,’ wanda aka ɗauka a Indiya, zai fito a watan Yuli na wannan shekara.”

Birnin Hada Fimi

Alhaji Mohammed ya ce; “Gwamnatin Najeriya ta bayar da filaye ga masu zuba jari na Indiya a Abuja da Legas don gina cikakken garin fina-finai a cikin garuruwan biyu don kara zurfafa tattalin arzikin masana’antar kere kere.”

Ministan ya kuma ce, wata tawagar masu zuba jari na Indiya a watan Agustan da ya gabata, sun duba ginin ginin Millenium Tower, wanda zai kasance wata babbar cibiyar al’adu a Abuja idan aka kammala.

Alhaji Mohammed ya yi alkawarin shirin ma’aikatar ta sanya hannu kan wasu fitattun yarjejeniyoyin fahimtar juna da kasar Indiya domin karfafa da zurfafa alakar da ke tsakanin kasashen biyu a fannin kere-kere.

Ya jaddada bukatar gwamnatocin Indiya da Najeriya su bude tagogi na damammaki ga kamfanoni masu zaman kansu na kasashen biyu don kulla sabuwar alaka da ta wuce alakar gwamnati da gwamnati.

“Ina ganin nasarar dangantakar Indiya da Najeriya ba kawai gwamnati da gwamnati ba ce. Ina ganin gwamnati-da kasuwanci da kasuwanci-da-kasuwa sune manyan abubuwan da suka haifar da wannan dangantaka kuma ina so a wannan lokaci in yaba kokarin Mr. Jitendra Sachdeva na Skipper Group, wanda ya jagoranci tawagar masu zuba jari zuwa Najeriya Agustan bara.

“Ina ganin wannan abin koyi ne da ya kamata mu yi koyi da karfafa gwiwa domin bangaren kasuwanci da masu yin kasuwanci sun fi saurin budewa da yanke shinge fiye da gwamnati a wasu lokuta,” in ji shi.

A nasa jawabin, babban kwamishinan Indiya a Najeriya, Mista Balasubra, wanda ya bibiyi alakar da ke tsakanin Najeriya da Indiya tun a shekarar 1958, ya ce sabon fim din, ‘Post Card from India,’ tare da ‘yan wasan Najeriya da Indiya, zai baje kolin al’adun da suka hade. tsakanin kasashen biyu.

Ya ce fitattun yarjejeniyoyi kan shirin hada hadar fina-finai da musayar al’adu zai kara karfafa alakar al’adu tsakanin Najeriya da Indiya.