Ranar Dimokuradiyya: Shugaba Tinubu Ya Bukaci ‘Yan Nijeriya Su Rike Dimokuradiyya

Shugaba Bola Tinubu ya bukaci ‘yan Najeriya da su sake sadaukar da kansu wajen karfafa dimokuradiyya, wanda ya bayyana a matsayin mafi kyawun tsarin gwamnati.

Shugaban na Najeriya ya ba da wannan shawarar ne a wani jawabi da aka watsa ga ‘yan kasar a daidai lokacin da kasar ke bikin cika shekaru 24 na mulkin dimokradiyya ba tare da tsangwama ba.

Shugaban ya yi amfani da wannan dama wajen jinjinawa wanda ya lashe zaben shugaban kasar Najeriya a shekarar 1993, marigayi Moshood Kashimawo Abiola, wanda aka fi sani da M.K.O. Abiola

KU KARANTA KUMA: Shugaba Tinubu ya yabawa ‘yan Najeriya masu fafutukar kare dimokradiyya

Ya ce: “Dimokradiyyar M.K.O Abiola ya mutu, ita ce ta inganta jin dadin jama’a a kan bukatun masu mulki kuma ta yi nasara inda masu mulki za su samu gamsuwa da jin dadin kasa. Wannan shine fata da M.K.O Abiola ya kunno kai a fadin kasarmu a shekarar 1993.

“A ranar dimokuradiyya ta bana, ina umurtar mu da mu sake sadaukar da kanmu wajen karfafa wannan tsarin gwamnati na ‘yantattun mutane wanda ya kasance mana jagora cikin shekaru 24 da suka gabata. Musamman mu da muka samu damar zabar mukaman gwamnati a matakai daban-daban a bangaren zartaswa da na majalisa dole ne mu jajirce wajen sadaukar da kai ga al’umma tare da samar da ribar dimokuradiyya ta hakika kamar yadda muka alkawarta zabe.”

Shugaban ya tuna cewa ranar 12 ga watan Yunin 2023 ta cika shekaru 30 da soke zaben shugaban kasa da Abiola ya lashe, ya koka da yanayin da sojoji suka soke zaben.

Ya bayyana zaben 12 ga watan Yunin 1993 a matsayin zabe mafi adalci da walwala a juyin siyasar Najeriya.