Satumba 3: Japan ta yi zanga-zangar nuna rashin amincewa da ayyana ranar nasara ta Rasha

Japan ta gudanar da zanga-zangar nuna adawa da Rasha kan matakin da kasar ta dauka na ayyana ranar 3 ga watan Satumba a matsayin ranar nasara kan “Japan mai karfin soja”.

Wani mai magana da yawun gwamnatin Japan wanda ya kira matakin na Moscow “abin takaici” ya fada a ranar Litinin cewa zai haifar da gaba da juna.

Babban sakataren majalisar ministocin kasar Hirokazu Matsuno ya shaidawa taron manema labarai cewa, “Sanadin wannan doka ba wai kawai zai iya tayar da kyamar Japanawa a tsakanin al’ummar Rasha ba, har ma zai iya haifar da kyamar Rasha a tsakanin al’ummar Japan.”

A makon da ya gabata Rasha ta sauya sunan ranar tunawa da ranar 3 ga Satumba – wato ranar da Japan ta mika wuya a yakin duniya na biyu – a matsayin ranar nasara a kan ‘yan bindigar Japan, kamar yadda kafafen yada labarai na Japan suka ruwaito.

Ladan Nasidi.