An Haramta Sakin Zuma Daga Gidan Yarin Afirka Ta Kudu

Kotun tsarin mulki a Afirka ta Kudu ta yanke hukuncin cewa an yi wa tsohon shugaban kasar Jacob Zuma hukuncin afuwa saboda rashin lafiya ba bisa ka’ida ba.

Tsohon shugaban hukumar gidan yari, Arthur Fraser, wanda ake kallonsa a matsayin abokin tsohon shugaban kasar ya yi wa Zuma afuwa.

An sake shi ne a watan Satumbar 2021 bayan ya yi kasa da makonni takwas na zaman gidan yari na watanni 15.

An dai samu Zuma ne da laifin wulakanci, bayan da ya ki bayar da hadin kai ga binciken yaki da cin hanci da rashawa a lokacin da ya ke kan karagar mulki.

Kwanan nan an gan shi a wani taron sauyin yanayi a Zimbabwe.

Hukumar kula da gidajen yari ta ce tana nazarin hukuncin kotun tsarin mulki kuma za ta yi tsokaci bayan neman shawarar shari’a.

A wannan makon ne aka cika shekaru biyu da munanan tarzomar da aka yi sanadiyar kama Zuma. An kashe mutane fiye da 350 a tashin hankalin.

BBC/L.N