Majalisar ECOWAS ta bi sahun kasashen duniya wajen bikin tunawa da ranar mata ta duniya ta 2026, inda ta jaddada kudirinta na gina yankin da kowace mace da yarinya za ta iya gane kwazonta da kuma bayar da gudunmawa mai ma’ana ga ci gaban yammacin Afirka.
An yi bikin a ranar 8 ga Maris, karkashin Majalisar Dinkin Duniya, tare da taken “Hakkoki. Adalci. Aiki. Ga Duk Mata da ‘Yan Mata” da kuma taken yakin duniya na “Ba da Gain.”
A cikin wata sanarwa da kakakin majalisar ECOWAS, Memounatou Ibrahima ya fitar, ya bayyana cewa: Taken taron na bana ya bukaci a sake jaddada kudurin kare hakkin mata da ‘yan mata, tabbatar da adalci, da kuma daukar matakai masu ma’ana don bunkasa daidaiton jinsi.
Ta yi nuni da cewa: “A duk fadin yankin ECOWAS, mata na ci gaba da taka muhimmiyar rawa wajen gudanar da mulki, bunkasar tattalin arziki, samar da zaman lafiya, da jagorancin al’umma. Gudunmawar da suke bayarwa ta kasance ba makawa ga ci gaba da zaman lafiyar al’ummarmu”, in ji ta.
Shugaban Majalisar ya kara da cewa: ” Taken yakin neman zabe ‘Ba da Gain’ yana tunatar da mu cewa saka hannun jari ga mata da ‘yan mata yana haifar da fa’ida mai dorewa ga iyalai, al’ummomi, da kasashe. Idan aka ba wa mata damar samun dama, ilimi, da wakilci wajen yanke shawara, al’ummomi za su kara karfi kuma sun hada da juna “, in ji ta.
Majalisar ECOWAS ta sake jaddada aniyar ta na inganta manufofi da tsare-tsare da ke ciyar da mata gwiwa, daidaiton jinsi, da gudanar da mulki bai daya a fadin kasashe mambobin mu.
A’isha. Yahaya, Lagos
