Shugaban Ondo Ya Ce Jam’iyyar PDP Ta Damu Da Ficewar Wasu Jig-Jigan Ta Kwanan Nan

Jam’iyyar PDP reshen jihar Ondo ta ce ba ta ji dadin sauya sheka da wasu jiga-jigan jam’iyyar da ke fadin jihar suka yi zuwa wasu jam’iyyu ba.

 

 

Shugaban jam’iyyar PDP na jihar Mista Fatai Adams ne ya bayyana haka yayin da yake zantawa da manema labarai ranar Talata a Akure.

 

 

“Na tabbata da yawa daga cikin wadanda suka sauya sheka za su koma jam’iyyar nan ba da dadewa ba idan lokaci ya yi. Abin da ke faruwa ba bakon abu ba ne.

 

 

“Lokacin da jam’iyya ta sha kaye a babban zabe kamar zaben shugaban kasa, to lallai irin wannan ficewar ta faru.

 

 

“Wasu suna tafiya, wasu suna shigowa, siyasa kenan. Wasu daga cikinsu suna tafiya ne don neman dacewar siyasa ko abincin yau da kullun,” inji shi.

 

 

Adams ya ce: “Idan abincin yau da kullun ba ya zuwa, za su dawo. Ba mu da dalilin damuwa game da sauya sheka.

 

 

“Menene gudummawar wadanda suka sauya sheka a zaben da ya gabata. Za mu sake dawowa cikin jihar. “

 

 

Ya kuma ce jam’iyyar PDP a shirye ta ke ta shiga zaben kananan hukumomi da za a yi a jihar.

 

 

Ya ce jam’iyyar ta gudanar da zabukan fitar da gwanin nata ne domin zabar ‘yan takara a zaben kananan hukumomi na 2024.

 

 

Hukumar Zabe Mai Zaman Kanta ta Ondo (ODIEC) ta sauya zaben kansiloli daga ranar 16 ga watan Disamba zuwa Fabrairu 2024.

 

Adams ya ce ‘yan takara sun fito ta hanyar gaskiya.

 

“Ba burin mu ba ne mu yi watsi da kafa kananan hukumomi (LCDAs).

 

Ya ce a shirye suke idan har gwamnati na son gudanar da zabe a cikin sabbin LCDAs da aka kirkira.

 

 

NAN/Ladan Nasidi.