Jamus Za Ta Mallaki Jirgi Mai Saukar Ungulu Na NATO Na 2- Babban Hafsan Sojan Sama

Babban hafsan sojin saman Kasar Jamus, Ingo Gerhartz, ya ce Jamus za ta mallaki jirgin sama mai saukar ungulu na biyu mafi girma na NATO tare da 60 Chinooks.

A watan da ya gabata, Jamus ta ce za ta sayi jirage masu saukar ungulu na Chinook 60 daga Boeing (BA.N) a cikin wani kunshin da zai lakume Yuro biliyan 8 (dala biliyan 8.7), gami da muhimman ababen more rayuwa na jirgin.

Gerhartz ya ce “Za mu zama kasa ta biyu mafi girma da helikofta a NATO bayan Amurka.”

Gerhartz ya kara da cewa, kusan jirage masu saukar ungulu na Chinook 50 ne za a jibge a yankin Holzdorf/Schoenewalde da ke gabashin Jamus, inda za a kuma girke karin sojoji 1,000.

“Shafin Schoenewalde zai taka muhimmiyar rawa ga Sojan Sama, da dukan Bundeswehr da tsaron Jamus,” in ji shi.

REUTERS /Ladan Nasidi.