Ecowas ta ki amincewa da shirin mika mulki na shekaru uku a Nijar

Kungiyar kasashen yammacin Afirka, Ecowas, ta yi watsi da sanarwar da jagoran juyin mulkin Nijar ya yi cewa ba za a iya maido da mulkin farar hula ba har tsawon shekaru uku.

Kwamishinan harkokin siyasa na kungiyar, Abdel-Fatau Musa, ya ce ba za a amince da jadawalin ba.

A ranar Asabar din da ta gabata, Janar Abdourahamane Tchiani ya ce ana bukatar tattaunawa ta kasa domin kafa harsashen sabon tsarin siyasa a Nijar.

Kungiyar Ecowas ta yi barazanar daukar matakin soji don dawo da hambararren shugaban kasar.

Jama’a sun sake yin gangami a Yamai babban birnin kasar, domin nuna goyon bayansu ga juyin mulkin.

Sai dai rahotanni sun ce wasu da ke adawa da mamayar sojojin na fargabar bayyana ra’ayoyinsu a bainar jama’a

BBC/Ladan Nasidi.