Gwamnatin Najeriya Ta Raba Kayan Noma Ga Manoman Jihar Edo

Ma’aikatar noma da samar da abinci ta tarayya tare da hadin gwiwar shirin bunkasa noma na Edo (ADP) sun raba irin masara da sinadarai na noma ga manoman masara 39 a jihar Edo.

Dokta Samuel Owoicho, kodinetan ma’aikatar Edo, ya ce an raba irin masara don dashen damina da aka fara a watan Agusta.

Owoicho ya lura cewa ana aiwatar da shirin ne a matsayin gaggawar karfafawa manoman masara da masu aikin noma kayan masarufi a yankin Kudu-maso-Kudu, Kudu-maso-Yamma da kuma Kudu-maso-Gabas na noman dashen damina.

“Za mu gudanar da rabon irin wannan a kan sauran darajar noma amma a yanzu, na manoman masara 39 ne da muka soma,” in ji shi.

Ya kuma bukaci manoman da su yi amfani da abubuwan da ake amfani da su wajen samar da arziki ga kansu.

Manajan aikin, Edo ADP, Dokta Edward Izevbigie, ya bayyana cewa an zabo manoman ne daga gundumomin sanatoci uku na jihar.

“Muna da tushen bayanan manoma a fadin jihar inda muka zabo daga ciki. Tuni dai an horas da manoman kan yadda ake gudanar da ayyukan masara,” inji shi.

Izevbigie, ya gargadi manoman kan sayar da kayayyakin, inda ya kara da cewa ma’aikatar ta kafa tawagogi da za su sa ido kan ayyukan manoman a jihar.

NAN / Ladan  Nasidi.