Amurka, Koriya Ta Kudu, Japan Ta Nuna Damuwa kan Rasha Da Koriya Ta Arewa

Sakataren harkokin wajen Amurka Antony Blinken da takwarorinsu na Koriya ta Kudu, da takwarorinsu na Japan sun bayyana “damuwa sosai” kan tattaunawar hadin gwiwar soji tsakanin Rasha da Koriya ta Arewa, in ji ma’aikatar harkokin wajen Koriya ta Kudu a ranar Asabar.

Ministan harkokin wajen Koriya ta Kudu Park Jin da ministan harkokin wajen Japan Yoko Kamikawa sun amince da mayar da martani mai tsauri kan duk wani matakin da ke barazana ga tsaron yankin wanda ya sabawa kudurin kwamitin sulhu na Majalisar Dinkin Duniya a wani dan takaitaccen taron da suka yi.

Shugaban Koriya ta Arewa Kim Jong Un ya kai ziyarar mako guda a kasar Rasha a makon da ya gabata inda ya tattauna kan hadin gwiwar soji da shugaban kasar Rasha Vladimir Putin.

Jami’an Amurka da na Koriya ta Kudu sun bayyana damuwarsu kan cewa taron na da nufin bai wa kasar Rasha damar mallakar harsashi daga Arewa domin kara karfin jarin da take samu a yakin da take yi a Ukraine.

Shugaban Koriya ta Kudu Yoon Suk Yeol ya ce idan Rasha ta taimaka wa Koriya ta Arewa ta inganta shirye-shiryenta na makamai don neman taimako ga yakin da take yi a Ukraine, zai zama ” tsokana kai tsaye “ kuma Seoul da kawayenta ba za su yi kasa a gwiwa ba.

REUTERS

Ladan Nasidi