Gobara a Masar: Mutane 38 Ne Suka Jikkata A Wata Gobara Da Ta Tashi A Rukunin ‘Yan Sanda

Wata babbar gobara da ta tashi a rukunin ‘yan sanda a Masar ta raunata a kalla mutane 38, kamar yadda jami’an agajin gaggawa da kafofin yada labarai suka bayyana.

Jami’an kashe gobara sun yi nasarar shawo kan gobarar a cibiyar da ke Ismailia, kuma an sanya asibitocin yankin cikin shiri.

Hotunan da aka wallafa a shafukan sada zumunta sun nuna yadda wuta ta lullube ginin.

An ba da umarnin gudanar da bincike kan musabbabin tashin gobarar, kamar yadda kamfanin dillancin labarai na AFP ya ruwaito.

Majiyar tsaron farar hula ta bayyana cewa gobarar ta yi sanadin rugujewar wasu sassan hedikwatar hukumar tsaro ta farin kaya.

Ma’aikatar lafiya ta Masar ta aike da motocin daukar marasa lafiya 50 da jiragen soji biyu zuwa ginin, inda a kalla mutane 24 ke jinyar shaka tare da biyu don konewa.

Akwai fargabar cewa adadin mutanen da suka jikkata zai iya karuwa yayin da wani dan jarida dan kasar Masar ya ruwaito cewa saboda girman gobarar za a iya samun mace-mace.

Shaidu biyu da suka zanta da kamfanin dillancin labaran reuters sun ce da farko jami’an kashe gobara sun yi kokarin shawo kan gobarar, amma kafofin yada labaran cikin gida sun ce bayan fiye da sa’o’i uku sun yi nasarar shawo kan gobarar.

Mummunan gobara ba bakon abu ba ne a Masar saboda ba kasafai ake aiwatar da ka’idojin kashe gobara da kuma jinkirin lokacin mayar da martani ba. A watan Agustan shekarar da ta gabata, wata gobara da ta tashi a wani gajeren zango ta kashe mutane 41 a wata coci a birnin Alkahira.

BBC/ Ladan Nasidi.